Translate Tamil to any languages.

Saturday, 7 May 2016

நான் கற்பிக்க ஏது இருக்கு?

(படம் கூகிள் தேடலில் சிக்கியது)

"படம் பார் பாடம் படி" என
தொடக்கக் கல்வி ஆசிரியர்
சொல்லித் தந்த படி - நான்
சொல்லிக் கொடுக்க ஏதுமிருக்காது...
ஏனென்றால்
நாளுக்கு நாள் நடப்பது
தெரு விபத்து - அதில்
ஓரிரு உயிர்கள் பிரிந்து போக
எஞ்சியோர்
கையுடைந்து காலுடைந்து என...
எல்லாவற்றையும் கண்ட பின்னும்
தெரு விபத்துத் தொடருகிறது
என்றால்
"படம் பார் பாடம் படி" என
விபத்துப் படம் காட்டி
விபத்திற்குள் சிக்காதே என
நான் கற்பிக்க ஏது இருக்கு?
விபத்துப் படம் என்ன
விபத்திற்குள் பல முறை சிக்கியும்
விபத்திற்குள் சிக்குவோருக்கு
நான் கற்பிக்க ஏது இருக்கு?