Blog Description

யாழ்பாவாணன் வெளியீட்டகம்: எழுதுகோல் ஏந்தியே உலகெங்கும் அறிவூட்டூவோம். வணக்கம்
 
Welcome
Yarlpavanan Publishers: Teach worldwide by holding a pen or pencil.
உளமாற்றம் தரும் தகவல், கணினி நுட்பம், புனைவு (கற்பனை), புனைவு கலந்த உண்மை, உண்மை, நகைச்சுவை எனப் பலச் சுவையான பதிவுகளைப் படிக்க வருமாறு அழைக்கின்றோம்.
மதிப்புமிக்க அறிஞர்களே! தங்கள் கருத்துகளே; எனக்குப் பாடம் கற்பித்தும் வழிகாட்டியும் என்னையும் அறிஞன் ஆக்குகின்றதே!

Translate


          Translate Tamil to any languages.

Friday, 13 May 2016

இரண்டடக்கேல்


விருப்பங்களை (ஆசைகளை) அடக்க முடியாமல் - நம்மாளுங்க 
பெரும் விருப்பங்களை (பேராசைகளை) வளர்த்து - அதனை
அடைய முயன்றே கடைசியில் காண்பதோ - அதன்
அறுவடையாக (பின் விளைவாக) நமக்குக் கிட்டுவதோ
சோர்வும் (நட்டமும்) துயரமும் (துன்பமும்) தான் - அதனை
இரண்டடக்கேல் என நினைவூட்டுவதா?

நம்மாளுங்க - தங்கள்
அன்பு உணர்வை வளர்க்கலாம் - ஆனால்
பாலியல் (Sex) உணர்வை அடக்க வேண்டுமே - அதை
அடக்கு என்றதும் கோபம் வருமே - அதையும்
சேர்த்துத் தான் இரண்டை அடக்கு என்றாரோ
பாவரசர் கண்ணதாசன் அவர்கள்!

இரண்டடக்கேல் என்றல்லவா
பாவரசர் கண்ணதாசன் சொன்னார் - அப்ப
இரண்டை அடக்காதே என்றல்லவா
பொருள்கொள்ள வேண்டியிருக்கு - அப்ப
மலம் கழிப்பதையும் சிறுநீர் (சலம்) அடிப்பதையும்
இரண்டடக்கேல் என்றாரோ!

உடலுக்குள்ளே சிறுநீரகம் - உண்மையில்
உண்டதை, குடித்ததை வடிகட்டி
கழிவுகளைக் கழித்து விடுவதால் தான்
மலமும் சிறுநீரும் (சலமும்) தேங்கும் - அந்த
இரண்டையும் அடக்காமல் விட்டால்
நோய்கள் கிட்ட நெருங்காமல் போகுமே!

குறிப்பு: உடற் கழிவுகளான மலமும் சிறுநீரும் (சலமும்) வெளியேறத் தோன்றும் நேரத்தில் அடக்கவும் கூடாது. மலமும் சிறுநீரும் (சலமும்) வெளியேற வேண்டி வருமே என உண்ணாமல், குடிக்காமல் இருக்கவும் கூடாது.