Translate Tamil to any languages.

Saturday, 10 September 2016

காதலிக்க விரும்பும் முன்...


காதலிக்க விரும்பி
ஒருவன் ஒருவளை நாடினான்!
அவளோ
கணவன் விரும்பினால்
காதலிக்கலாமென நழுவினாள்!
காதலிக்க விரும்பி
ஒருவள் ஒருவனை நாடினாள்!
அவனோ
மனைவி விரும்பினால்
காதலிக்கலாமென நழுவினான்!
நாளும் நழுவிச் செல்வோர்
அதிகம் தான்...
காதலிக்க விரும்பும் முன்
காதலிக்க விரும்புவோரை
முன் விசாரணை செய்தால்
நழுவும் ஆள்களை
முன்கூட்டியே அடையாளம் காணலாமே!
காதல் என்பது
கணவனுக்கும் மனைவிக்கும் இடையே வரலாம்...
மணமானவருக்கும்
மணமாகாதவருக்கும் இடையே வரக்கூடாதே!
காதல் என்பது
நழுவும் ஆள்களிடையே
தழுவும் ஆள்களிடையே
மலர்ந்தால் முறிந்தும் போகலாம்...
காதலிக்க விரும்பும் முன்
கவனத்திற் கொள்ளவேண்டியதை
கருத்தில் கொள்ளாமையால் தான்
காதலுக்கு 
கண் இல்லை என்றார்கள் போலும்!