Translate Tamil to any languages.

Saturday, 11 February 2017

தமிழை வாழ வைக்க (உங்கள் பதில் என்ன?)

உலகத் தமிழ் உறவுகளே! தாய்த் தமிழில் இருபத்தைந்திற்கு மேற்பட்ட பிறமொழிகள் கலந்திருப்பதை அறிவீரா? உலகெங்கும் உலா வரும் தமிழ் உறவுகளே! தமிழ் + ஆங்கிலம் = தமிழாங்கிலம் அல்லது தமிழ் + இங்கிலிசு = தமிங்கிலிசு பேசும் தமிழரே அதிகம். இப்படிப் போனால் இனி மெல்லத் தமிழ் சாகுமென்பேன்! எனவே, தமிழை வாழ வைக்க ஏதாச்சும் நாம் செய்தாக வேண்டும். என் எண்ணத்தைப் பா/கவிதை நடையிலே பகிருகின்றேன்.

எழுதுங்க பிஞ்சுகளே! இளசுகளே!
எழுதுவதால் தமிழ்வளம் பெருகுமே!
தாயவள் ஊட்டிய தாய்த்தமிழாலே
தாய்மையைத் தானும் எழுதலாமே!
உணர்வாலான தமிழ் எழுத்தாலே
உண்மையைத் தானும் எழுதலாமே!
இனிய தமிழில் பிறமொழி நீக்கி
இனியவற்றைத் தானும் எழுதலாமே!
சுவையான தமிழ் சொல்லெடுத்து
சுவையானதைத் தானும் எழுதலாமே!
அழகைப் பார்த்து உணர்ந்ததை
அழகுத் தமிழில் தானும் எழுதலாமே!
துணிந்து விருப்புடன் எழுதுவோர் பெருகின்
இனி மெல்லத் தமிழ் சாகாதென்பேன்!

யாழ்பாவாணனின் எண்ணம், தங்களுக்கு முரணாக இருக்கலாம். அல்லது தங்கள் உள்ளத்தில் தோன்றிய மாற்று எண்ணம் இருக்கலாம். எதுவாயினும் பின்னூட்டத்தில் வெளிப்படுத்துங்கள். அல்லது தங்கள் வலைப்பூக்களிலாவது பகிருங்கள்.

No comments :

Post a Comment

வருக அறிஞர்களே! தருக தங்கள் கருத்துகளையே!