Translate Tamil to any languages.

Tuesday, 19 May 2020

வலை ஊடகங்களும் கற்பிக்கும் ஆசிரியர்களும்

பலருக்கு அறிவூட்டும் செயல் கண்டு
உலகில் உயர்வான தொழில் என்று
ஆசிரியப் பணியைப் போற்றுவர்! - அந்த
ஆசிரியர்கள் எல்லோருக்கும் வணக்கம்!

முதலில் ஊடகங்கள் பற்றிச் சிந்திப்போம்.

நடிப்பு
அரங்கு
பார்த்தல்
பேச்சு
காற்று
கேட்டல்
எழுத்து
தாள்/திரை 
வாசித்தல்
எழுத்திப் பரப்பு  
ஏடுகள்
வாசித்தல்
ஒலிபரப்பு
ஒலிபெருக்கி/ வானொலி 
கேட்டல்
ஒளிபரப்பு
தொலைக்காட்சி/ திரைப்படம்
பார்த்தல்
உள்ளீடு
கணினி (மேம்படுத்தல்)
வெளியீடு
வெளியீடு
இணையம் (இணைத்துப் பேணுதல்) 
பயனீட்டல்

அதாவது, வெளியீட்டுக்கும் பயனீட்டலுக்கும் இடையிலான இடைமுகப்புத் தான் ஊடகம். ஊடகப் பணியில் ஈடுபடுவோர் ஊடகவியலாளர் எனலாம். ஊடகவியலாளரும் ஊடகங்களில் வெளியிடுவோரும் பயன்பெறுவோரைப் புண்படுத்தாமல் நடுநிலையாகச் செய்திகளையும் நல்லறிவையும் வெளியிடலாம். எவரும் தம்மைப் பற்றி வெளியிட்டாலும் மாற்றாரைப் பற்றி வெளியிடவோ மாற்றாருடையதை வெளியிடவோ மாற்றாரின் ஒப்புதல் (அனுமதி) பெறவேண்டும்.


கற்பிக்கும் ஆசிரியர்களுக்கு "ஏன் ஊடகங்களைப் பற்றித் தெரிந்திருக்க வேண்டும்?" என்ற கேள்வியை எவரும் முன்வைக்கலாம். வகுப்பறைக் கற்பித்தலைக் கடந்து ஊடகங்களூடாகவும் கற்பிக்க வேண்டிய தேவையைக் கொரோனா COVID - 19 வந்து உணர்த்தியிருக்கிறது. நல்லாசிரியர் எந்தவொரு ஊடகம் ஊடாகவும் எதனையும் கற்பிக்க முடியும். நாமிங்கு வலை ஊடகங்களில் கற்பிக்கத் தேவையான அடிபடை நுட்பங்களை அறிவோம்.

ஊடகங்களை அச்சு ஊடகங்கள், மின் ஊடகங்கள் என இரண்டாக வகுக்கலாம். நாளேடுகள், சஞ்சிகைகள், புத்தகங்கள் என்பன அச்சு ஊடகங்கள் என்றும் வானொலி, தொலைக்காட்சி, வலைத்தளங்கள் என்பன மின் ஊடகங்கள் என்றும் கருதப்படுகிறது. இவற்றினூடாக அன்றிலிருந்து இன்றுவரை கற்பித்தல் செயற்பாடு இடம்பெற்று வருகிறது. இருப்பினும் கொரோனா COVID - 19 வந்து இவற்றை மீட்டுப்பார்க்க வைத்திருக்கிறது.

வலைத்தளங்கள் சார்ந்த செயற்பாட்டையே வலையூடகங்கள் என நான் முன்வைக்கின்றேன். அதாவது வலைப்பக்கம் (Web Sites), வலைப்பூ (Blog), கருத்துக்களம் (Forum) என்பன முன்னிலை வகித்தாலும் இணையக் களஞ்சியங்களும் (Online Drives) துணைக்கு வரும். இணையக் களஞ்சியங்கள் என்றதும் ஒளிப்படம் (Photo), ஒலி/குரல் (Audio), ஒளியொலி (Video), பிற கோப்புகள் (Files) போன்றன சேமித்துப் பேணுமிடங்களே!

எடுத்துக்காட்டாகச் சிலவற்றைப் பார்த்தபின் தொடருவோம்.

வலைப்பக்கம் (Web Sites)
வலைப்பூ (Blog)
கருத்துக்களம் (Forum)
ஒளிப்படம் (Photo)
ஒலி/குரல் (Audio)
ஒளியொலி (Video)
கோப்புகள் (Files)

வலையூடகங்கள் என நான் சுட்டும் இந்த ஏழும் ஏதோ ஒரு வகையில் கற்பிக்க உதவுகிறது. இவற்றினூடாகக் கற்பிக்கத் தேவையானதைக் கற்றறிந்தால் நாங்களும் எத்தனையோ கற்பிக்க முடியும். Windows, MS-Office, Internet, Email, HTML ஆகியன அடிப்படைக்குத் தெரிந்தால் போதும். HTML நிகழ் நிரலாக்கம் (Programming) தெரியாவிட்டால் பரவாயில்லை. ஒளிப்பட வேலை (Photo Editor), குரல்திருத்த வேலை (Sound Editor), ஒலிஒளித்திருத்த வேலை (Video Editor) மென்பொருள்கள் கற்றிருந்தால் சிறப்பு.

இவற்றையும் கடந்து சிலவற்றைச் சொல்லித்தர விரும்புகிறேன்.
1. ஒருங்குகுறியைக் கையாளல்
2. கற்பித்தலுக்கான ஒலிப்பதிவு (Audio)
3. கற்பித்தலுக்கான ஒலிஒளிப்பதிவு (Video)
4. கலந்துரையாடலுக்கான ஒலிஒளிப்பதிவு (Video)
5. மின்நூல் உருவாக்கமும் வெளியீடும்
6. செயலிகள்

ஒருங்குகுறியைக் கையாளல்

Bamini (பாமினி) to Unicode (யுனிகோட்)

Unicode (யுனிகோட்)  to Bamini (பாமினி)

NHM Converter பயன்படுத்தல்
என்ற இணைப்பிற்குச் சென்று இம்மென்பொருளைப் பதிவிறக்கலாம்.

Tamil99 விசைப்பலகை ஊடாக நேரடியாகவே ஒருங்குகுறியில் (Unicode) தட்டச்சுச் செய்தல்.

என்ற இணைப்புகளிற்குச் சென்று இம்மென்பொருளைப் பதிவிறக்கலாம்.

குரல் மூலம் ஒருங்குகுறித் (Unicode) தட்டச்சு


கற்பித்தலுக்கான ஒலிப்பதிவு (Audio)
Windows ஊடாக Voice/Sound Recorder ஐப் பாவிக்கலாம்.

கற்பித்தலுக்கான ஒலிஒளிப்பதிவு (Video)
1.     Power Point
2.     Screen Recorder
https://icecreamapps.com/Download-Screen-Recorder/   (5min மட்டும்)
https://www.freescreenrecording.com/       (No Limit)


கற்பித்தலுக்கான ஒலிஒளிப்பதிவு (Video)
Zoom ஊடாக

மின்நூல் உருவாக்கமும் வெளியீடும்





செயலிகள்
1-வாணி

2-நாவி

3-சுளகு

4-அவலோகிதம் யாப்பு மென்பொருள்

5-அனுநாதம்

6-ஜினவாணி

7-அக்ஷரமுக

வலைவழி வெளியீடு செய்வோர் தெரிந்திருக்க வேண்டிய சின்னச் சின்ன நுட்பங்களைக் கூகிள் மீட் செயலி ஊடாக அறிமுகம் செய்த வேளை பயன்படுத்திய தகவலையும் ஓளிஒலித் (Video) தொகுப்பையும் பகிருகிறேன். தங்களுக்கான ஐயங்களைப் பின்னூட்டங்களில் கேளுங்கள். என்னால் பதிலளிக்க முடியும்.

Sunday, 3 May 2020

இணையக் கலந்துரையாடலும் ஒளிஒலி (வீடியோ) வெளியீடும்


இணையம் வந்த போதே, உலகம் உள்ளங்கையில் உருளும் என்றோம். அதனைத் திறன்பேசியில் கண்டுகொண்டோம். உலகம் எங்கும் இருக்கும் எவருடனும் முகம் பார்த்துக் கதைக்கின்ற நுட்பம் ஏற்கனவே வந்துவிட்டது. இப்ப இணையம் வழி கலந்துரையாடிவிட்டு, அதனை ஒளியும் ஒலியும் (வீடியோ) ஆக வெளியிடும் நுட்பத்தைப் பார்க்கின்றோம்.

இதனால் கற்பித்தல், கலந்துரையாடல், பட்டிமன்றம் எனப் பல நடாத்திய பின்னர், ஒளியும் ஒலியும் (வீடியோ) ஆக வெளியிட முடியும். கொரோனா (COVID-19) நோய்த் தொற்றுப் பரவாமல் தடுக்க, தனிமைப்படுத்தல் பேணப்பட்ட காலத்தில் கல்வியியலாளர்கள்,  அறிஞர்கள் எனப் பலரும் இவற்றையே கையாளுகின்றனர்.

சிறிய தனிப்பட்ட கலந்துரையாடல் என்றால் Skype Meet Now, Teamviewer போன்றன போதும். பெரும் எடுப்பிலான கற்பித்தல், கலந்துரையாடல், பட்டிமன்றம் எனக் கருதும் வேளை அன்பளிப்பு (இலவசம்) ஆகக்கிட்டும் செயலிகளையே நம்மாளுங்க முதலில் தேடுவது வழக்கம். அதன்படிக்கே Zoom, Cissco Webex, EZTalks, Lifesize, Teamlink, Meet_Jit_Si போன்றவை என் கண்ணில் பட்டது.

மேற்காணும்  செயலிகளைப் பற்றி  வலையொளி (Youtube) தளத்தில் அறிமுகம் செய்துள்ளேன்.  அன்பளிப்பு (இலவசம்) என்றால் சில கட்டுப்பாடுகளும் இருக்கும்.
அவற்றில் அதிகமானோர் 40Min இல் Zoom ஐப் பாவிக்க, அதிக நேரமென  Teamlink, Meet_Jit_Si பாவிப்போரும் உள்ளனர். Zoom ஐப் போலப் பாவிக்கலாமென Cissco Webex, EZTalks, Lifesize பாவிப்போரும் உள்ளனர்.

எதனைப் பாவித்தாலும் இணைய இணைப்பும் பயனர் ஒழுக்கமும் தேவை. அவ்வாறாயின் இணையக் கலந்துரையாடல் சிறப்பாக இருக்கும். சரி! இனி எனது முதலாவது ஒளியும் ஒலியும் (வீடியோ) இல் Meet_Jit_Si, lifesize, eztalks, zoom போன்ற செயலிகளைப் பாருங்கள்; இரண்டாவதில் Skype Meet Now, Teamviewer, Cissco Webex, Teamlink போன்ற செயலிகளைப் பாருங்கள். எனினும் இவற்றையும் அறிந்து வைத்திருப்பதில் நன்மைகள் இருக்கே.

Video-01



Video-02



இங்கு குறிப்பிட்ட Teamlink செயலி ஊடாக நானும் உரையாற்றி இருந்தேன். அதன் ஒளியும் ஒலியும் (வீடியோ) கீழே இணைத்துள்ளேன். என்னூரில் இணைய இணைப்புச் சீரின்மையால் என் பேச்சில் தடங்கல் ஏற்பட்டதை உரையில் காணலாம். மேலும், ஒருவர் பேசும் போது அடுத்வர் ஒலிவாங்கியை (Mic) நிறுத்திவைக்க வேண்டும். அதாவது ஒருவர் பின் ஒருவராகக் கலந்துரையாடுவதே சிறப்பு. அடுத்த பதிவில் எனது முழுமையான உரையைப் பதிவு செய்கிறேன்.


Tuesday, 14 April 2020

தமிழ் விக்கிப்பீடியாவில் எழுதப் படிக்க வேண்டுமா?

உலகத் தமிழ் வலைப் பதிவர்கள் எல்லோருக்கும் இனிய சித்திரைப் புத்தாண்டு வாழ்த்துகள்.

கொரோனா என்ற கொடிய தொற்று நோய் எங்கள் உறவுகளைப் பிரித்துவைத்து வேடிக்கை பார்ப்பதால் சித்திரைப் புத்தாண்டு மகிழ்ச்சியைத் தராமல் கடந்து செல்கிறது.  கொரோனா எங்களை வீட்டில் முடக்கியதால், நாம் எமது வெளியீடுகளை இணையத்தில் வெளியிட வாய்ப்புத் தந்திருக்கிறது எனலாம்.

எடுத்த எடுப்பிலே எல்லோரும் வலைப்பதிவில் எழுதிவிடலாம்; தமிழ் விக்கிப்பீடியாவில் எழுதுவதற்குக் கனக்கப் படிக்க வேண்டுமென எல்லோரும் எண்ணமிடலாம். அப்படியென்ன கனக்கப் படிக்க வேண்டியிருக்கு? நானும் அப்படிக் கற்றுக் கொள்ளலாம் என தேடிக்கொண்ட தகவலை உங்களுடன் பகிர்ந்து கொள்ள விரும்புகிறேன்.

விக்கிப்பீடியா பற்றிய பக்கங்களைப் படித்த பின்னர் தமிழ் விக்கிபீடியா கலைக் களஞ்சியத்தில் பதிவுகளை பதிவு செய்வதற்கு இலகுவாக இருக்கலாம். அவ்வாறான சில பக்கங்களை நான் தேடிக் கற்றுக் கொண்டு, அவற்றைக் கீழே தருகின்றேன்.

விக்கிப்பீடியா:பதிப்புரிமை
விக்கிப்பீடியா: தமிழ் விக்கிப்பீடியா இவை அன்று
விக்கிப்பீடியா: ஒழுங்குப் பிறழ்வுகள்
சிறந்த கட்டுரையை எழுதுவது எப்படி?
https://ta.wikipedia.org/s/5yb
விக்கிப்பீடியா: நடைக் கையேடு
விக்கிப்பீடியா: முதல் கட்டுரை

மேற்படி பக்கங்களைக் கற்று அறிந்து தொகுத்த எனது எண்ணங்களை ஒளியும் ஒலியும் (வீடியோ) பதிவாகப் பகிர்ந்துள்ளேன். அதனை நீங்கள் பார்த்துப் புரிந்துகொள்வீர்கள் என நம்புகிறேன்.



இணையத்தில் அதிக தகவல் கொண்ட தளம் தமிழ் விக்கிப்பீடியா கலைக்களஞ்சியமே! அதில், எல்லோரும் இணைந்து அதிக தகவலை இணைக்க உதவும் நுட்பங்களைப் பகிர்ந்துள்ளேன்.

Saturday, 4 April 2020

பயன்மிகு ஒருங்குகுறியும் (Unicode) குரல் வழித் தட்டச்சும் (Voice to Typing)

2020 தை பிறந்தால் நல்வழி பிறக்கும் என்றோர்க்கு covid-19 கொரோனா வைரஸ் வந்து இறப்புகளை விதைக்கும் என்றெவரும் எதிர்பார்க்கவில்லை. இருப்பினும் வீட்டிற்குள்ளே இருப்பது covid-19 கொரோனா வைரஸ் எம்மைத் தாக்காது பாதுகாக்கவே! பாதுகாப்பாக வீட்டில் இருப்போர் ஆக்கபூர்வமான பொழுதுபோக்கை மேற்கொண்டால் உளநெருக்கடியைத் தவிர்க்கலாம். பத்திரிகை படிப்பதோடு நின்றுவிடாமல் படைப்புகளை ஆக்கலாம்; ஊடகங்களுக்கு அனுப்பி வெளியிட்டு வைக்கலாம்; வலைப் பக்கங்களில் வெளியிடலாம்; உள நிறைவைப் பெறலாம்.

வலை ஊடகங்கள் - முதற் பகுதி
வலை ஊடகங்கள் - இரண்டாம் பகுதி

வலை ஊடகங்கள் பற்றித் தெரிந்துகொள்ள இரண்டு ஒளியும் ஒலியும் (வீடியோ) வெளியிட்டுள்ளேன். அதனைப் பார்த்த பின் புதியவர்களும் வலைப்பக்கம் வந்திணையலாம். அவர்களுக்காக இந்தப் பதிவு. இருப்பினும் நாம் இவற்றைக் காண்பித்துப் புதிய வலைப்பதிவர்களை உருவாக்குவோம். பழைய வலைப்பதிவர்களையும் மீள இயங்க வைப்போம். 2021 இலாவது வலைப்பதிவர் சந்திப்பை நிகழ்த்தலாம்.

ஒருங்குகுறியைக் (Unicode) கையாளத் தெரிந்துகொள்வதனால் வலை ஊடகங்களைக் கையாள்வது இலகுவாகும். நான் NHM converter, Tamil99 Keyboard பாவிக்கிறேன். எவ்வாறு ஒருங்குகுறியைக் (Unicode) கையாளலாம் என்பதைக் கீழுள்ள ஒளியும் ஒலியும் (வீடியோ) ஊடாக விளக்கியுள்ளேன். நீங்களும் பார்வையிட்டுத் தங்கள் மதியுரையைப் பகிரலாம்.



நான் ஒருங்குகுறி (Unicode) பற்றிய ஒளியும் ஒலியும் (வீடியோ) பதிவைப் பகிர்ந்த போது, எனக்குக் கிடைத்த இணைப்பு இது. நான் சுட்டிக்காட்டிய தளங்களை விட, இத்தளம் சிறப்பு எனப் பலரும் சொல்ல இடமுண்டு. ஆம்! அதாவது விரைவாக (வேகமாக) இயங்குவதே சிறப்பு. மேலும் அதிக எழுத்துருக்களை மாற்றிக்கொள்ளும் வசதியும் உண்டு. இதனை வலைப்பதிவர்கள், விக்கிப்பீடியர்கள், மென்பொருள் ஆக்குநர்கள் (SW Developers) யாவரும் அறிந்த  நீச்சல்காரன் அவர்களே தயாரித்துள்ளார்.

"நான் சொல்வதெல்லாம் நடைபேசி / கணினி தட்டச்சுச் செய்வதனால் எனக்குத் தட்டச்சுச் செய்கின்ற வேலையே கிடையாது." என எத்தனையோ அறிஞர்கள் சொல்லும் தொழில்நுட்பத்தை நானும் கீழ்வரும் ஒளியும் ஒலியும் (வீடியோ) ஊடாக விளக்கியுள்ளேன். நீங்களும் பார்வையிட்டுத் தங்கள் மதியுரையைப் பகிரலாம்.



நான் குரல் மூலம் தட்டச்சுச் செய்யலாம் என ஒளியும் ஒலியும் (வீடியோ) பதிவைப் பகிர முன்னரே உலகத் தமிழ் வலைப்பதிவர்கள் நன்கறிந்த திண்டுக்கல் தனபாலன் அவர்கள் அறிமுகம் செய்துவிட்டார். திருக்குறளுடன் திரைப்பாடலுடன் உள்ளத்தில் அமைதியை வரவைக்கும் எழுத்துக்குச் சொந்தக்காரரான அவரது பதிவையும் படித்துப் பயன்பெறுமாறு பணிவோடு கேட்டுக்கொள்கிறேன்.


பதிவர்களாகிய நாம் covid-19 கொரோனா வைரஸ் பற்றிய விழிப்புணர்வைப் பகிர்ந்து எல்லோரையும் காப்பாற்ற முயல்வோம்.

Tuesday, 31 March 2020

துயர் தரும் கொரோனாவும் தொல்லை தரும் வதந்திகளும்


கொரானாவால் ஒருவர் சாவு! - எனக்கு
நடைபேசியில் செய்தி வந்தது! - அதில்
உண்மை ஏதுமில்லையென - அந்த
வதந்தியை ??ந்தி பரப்பியதாய் தகவல்!
சாவடைந்ததாகச் சொல்லப்பட்டவர்
உயிரோடு இருப்பதாகவும் - தனக்கு
கொரானா இல்லையென்றும் - அவரே
இணையத்தில் உரிமை கோருகிறாரே!

மதுபானம் குடித்தால் கொரானா தொற்றாதென, பலர் மதுபானம் குடித்துச சாவடைந்ததாகத் தகவல் ஒன்று நடைபேசியில் வந்தது! இவ்வாறான வதந்திகளைப் பரப்பாமல் கொரானா தொற்றாமல் இருக்கப் பாதுகாப்புத் தேடுவதே நல்வழி.

எந்தவொரு நோய்க்கும் மதுபானம் மருந்தாக மாட்டாது. மருந்துக்குக் குடிப்பதாகச் சொல்லி செத்தவர்கள் அதிகம். இந்த ஒளியும் ஒலியும் (வீடியோ) இல் "மதுபானம் குடிக்காதீங்க, அதனைக் குடித்தால் விளைவு என்ன?" என்பதை நகைச்சுவையாகச் சொல்லப்படுகிறது.



கொரோனா பரவாமல் வீட்டில் இருங்கள்

வருது வருது கொரோனா வருது
விலகு விலகு கொரோனா போகும்
                                                                          (வருது)     
ஒதுங்கு ஒதுங்கு கொரோனா விலகும்
முடங்கு முடங்கு கொரோனா சாகும்
                                                                         (ஒதுங்கு)
வீட்டில தான் இருக்கலாம் தான்
ஏட்டைத் தான் படிக்கலாம் தான்
மூக்கு முட்ட உண்ணலாம் தான்
நீட்டி நிமிர்ந்து படுக்கலாம் தான்
கொரோனா வராமல் தடுக்கலாம் தான்
                                                                         (வருது)
                                                                        (ஒதுங்கு)
வீட்டில கிடந்து உருளலாம் தான்
நாட்டு நடப்பை இணையத்தில தான்
பார்த்துப் பார்த்து அறியலாம் தான்
சேர்த்துத் சேர்த்து அறிவைத் தான்
உலகறிய இணையத்தில பரப்பலாம் தான்
கொரோனா வராமல் தடுக்கலாம் தான்
                                                                                       (வருது)
                                                                                       (ஒதுங்கு)
வீட்டிலேயே இருந்திட்டால் கொரோனா தான்
எட்டிப் பார்க்க இடமில்லைக் காண்
நாட்டிலேயே பரவாமல் கொரோனாவைத் தான்
காற்றிலேயே சாகவைத்து உதவலாம் தான்
கொரோனாவை விரட்டுவோர் மக்கள் தானே
                                                                                       (வருது)
                                                                                       (ஒதுங்கு)

உலகை உறுத்தும் கொரோனா தான்
வீதிக்கு வந்தால் உயிர் குடிப்பேனென
வீட்டுக்குள்ள இருக்கவைத்து அழகு பார்க்குதே!
நம்மாளுங்க தெருவில இறங்கி
கொரோனாவைப் பிடிப்பேனெனச் சாகிறாங்க...
வீட்டிற்குள்ள முடங்கியவர் தப்பினரே!

வலை ஊடகங்கள் பற்றிய ஒளியும் ஒலியும் (வீடியோ) இரண்டாம் பகுதியில் வலை ஊடகங்களை எவ்வாறு கவனமாகக் கையாள்வது பற்றி வெளிப்படுத்தி உள்ளேன். அதனை ஒன்பது மணித்துளி (9 Minutes) நேரம் பொறுமையாகப் பாருங்கள். அதனைத் திறனாய்வு செய்யுங்கள். குறை, நிறைகளைப் பகிருங்கள். சிறப்பாக இருப்பின் உங்கள் நண்பர்களுக்கும் பகிர்ந்து உதவுங்கள்.


Friday, 27 March 2020

கொரோனாவும் தனிமைப்படுத்தலும் தொடருதே!

கொரோனா தொற்றுப் பரவாதிருக்க, வீடுகளுக்குள்ளே தனிமைப்பட்டு இருத்தலை பலரும் ஏற்றுக்கொள்கின்றனர். எத்தனை நாளுக்கு வீடுகளுக்குள்ளே முடங்கி இருப்பது? அத்தனை நாள்களையும் முகம் கொடுப்பதே பெரிய சிக்கல். அதில் பொழுதுபோக்கு என்பது உளநலத்தைப் பாதிக்கச் செய்யலாம். பயனுள்ள வழிகளில் பொழுதுபோக்கு அமைந்தால் உளநலம் பேணமுடியும்.

கொரோனாவும் தனிமைப்படுத்தலும் உங்களுக்கு மட்டுமல்ல எனக்கும் தான். வலை ஊடகங்களைப் பயன்படுத்தியும் பொழுதுபோக்க முடியும் என்பதை ஓர் ஒளியும் ஒலியும் (வீடியோ) தொகுப்பு ஊடாக வெளிக்கொணர முயன்றுள்ளேன். அரை மணி நேரம் பொறுமையாகப் பாருங்கள். அதனைத் திறனாய்வு செய்யுங்கள். குறை, நிறைகளைப் பகிருங்கள். சிறப்பாக இருப்பின் உங்கள் நண்பர்களுக்கும் பகிர்ந்து உதவுங்கள்.
(இணைப்பு: https://youtu.be/evzZesFjQU4)